AZ EN
Feedback
Yaponiyanın Azərbaycandakı Səfirliyi və Yaponiyanın Tsukuba Universitetinin birgə təşkilatçılığı ilə "Yaponiyada təhsil sərgisi” təşkil olunub.
Sərgidə Yaponiyanın aparıcı və nüfuzlu universitetləri nümayiş olunub. Təşkil olunan sərgidə  Yaponiyada yerləşən reytinqli universitetlərin, Azərbaycan ali təhsil ocaqlarının və Yaponiyanın Azərbaycandakı səfirliyinin nümayəndələri, təhsil ekspertləri iştirak ediblər. Eyni zamanda sərgi çərçivəsində fərqli görüşlər  də təşkil olunmuşdur.
Vision Academy Xaricdə Təhsil Ofisinin rəhbəri Rövşən Bağırov görüşdə iştirak edərək Yaponiyalı tələbələrin diqqətini Azərbaycana cəlb edərək Azərbaycan, eləcə də təhsilimiz haqqında qonaqları məlumatlandırıb. 
Görüş çərçivəsində Yaponiyada yerləşən TOKAI Universitetinin Xarici Əlaqələr Departamentinin rəhbəri KOJI Nakamura və Tsukuba Universitetinin   Humanitar və Sosial Elmlər Kafedrasının dosenti, MDB üzrə regional koordinator Sei Matsushita ilə əməkdaşlıq imkanları və səmərəli əlaqələrin qurulması geniş müzakirə olunub.